Logo आइतवार, श्रावण १७ गते २०७८
आइतवार, श्रावण १७ गते २०७८
  • खेलकुद
  • टोकियो ओलम्पिक: नेपालबाट पाँच खेलाडीको सहभागिता,...
images

टोकियो ओलम्पिक: नेपालबाट पाँच खेलाडीको सहभागिता, उद्घाटनमा नेपालको झण्डा गौरीकाले बोक्ने

टोकियो ओलम्पिक: नेपालबाट पाँच खेलाडीको सहभागिता, उद्घाटनमा नेपालको झण्डा गौरीकाले बोक्ने

images
images
  • सुनाैलाे नेपाल
  • आषाढ ३०, २०७८ बुधवार ०६:०२ बजे
  • 679
    SHARES
  • टोकियो ओलम्पिक: नेपालबाट पाँच खेलाडीको सहभागिता, उद्घाटनमा नेपालको झण्डा गौरीकाले बोक्ने

    काठमाडौं । जापानको राजधानी टोकियोमा आयोजना हुने ओलम्पिक खेलको उद्घाटन समारोहमा नेपालको झण्डा पौडी खेलाडी गौरीका सिंहले बोक्ने भएकी छिन् । नेपाल ओलम्पिक कमिटीले नेपाल यात्रा कार्यक्रममार्फत मंगलबार टोकियो ओलम्पिकमा नेपालको झण्डा बोक्ने खेलाडीको नाम सार्वजनिक गरेको हो । 

    टोकियो ओलम्पिकमा नेपालबाट चार खेलका पाँच खेलाडीले सहभागिता जनाउने छन् । सिंहले दोस्रो पटक ओलम्पिक खेल्न लागेकी हुन् भने अन्य चार खेलाडी पहिलो पटक ओलम्पिकमा सहभागी बन्दैछन् । उनले सन् २०१६ मा रियो ओलम्पिकमा सहभागिता जनाएकी थिइन् । नेपालमा आयोजना भएको १३औँ दक्षिण एसियाली खेलकूद ९साग०मा सिंहले पौडीमा चार स्वर्ण, दुई रजत र तीन कांस्य पदक प्राप्त गरेकी थिइन् ।

    टोकियो ओलम्पिकमा सिंहसहित पौडीबाट एलेक्स शाह, एथलेटिक्सकी सरस्वती चौधरी, सुटिङकी कल्पना परियार तथा जुडोकी सोनिया भट्टले सहभागिता जनाउने छन् । सिंहले महिला १०० सय फ्रि स्टाइल, एलेक्सले पुरुष १०० मिटर फ्रि स्टाइलमा, परियारले महिला १० मिटर एयर राइफल, भट्टले महिला ४८ किलो तौल समूह तथा चौधरीले महिला १०० मिटर दौडमा सहभागिता हुनेछ ।

    यस्तै प्रशिक्षकहरू पौडीका शंकर कार्की, सुटिङका असिम यादव, जुडोका सूर्यनारायण श्रेष्ठ र एथलेटिक्सकी इन्द्रकुमारी मल्ल समेत टोकियो ओलम्पिकमा सहभागी हुने नेपाल ओलम्पिक कमिटीले जनाएको छ । टोकियो ओलम्पिकमा नेपालबाट खेलाडी र अफिसियलसहित कुल २६ जनाको सहभागिता रहने ओलम्पिक कमिटीले जनाएको छ । टोकियो ओलम्पिक आगामी साउन ८ देखि २४ गतेसम्म सञ्चालन हुनेछ ।   

    images
    images
    images
  • सम्बन्धित विषय:

  • # गौरीका सिंह
  • # टोकियो ओलम्पिक

  • सुनाैलाे नेपाल
  • images
    images
    सम्बन्धित समाचार
    images